Google ADS

Maqedoni: Qeveria vendos t’i shfrytëzojë objektet hotelierike për karantinë

12:19 | 24 Mars 2020
L G

Qeveria e Maqedonisë së Veriut në seancën e djeshme solli Dekretin me të cilin me ligj mundësohet që personat të vendosen në izolim të rreptë (karantinë) edhe në objektet hotelierike (hotele, motele).

Për objektet e konfirmuara në këtë dekret me fuqi ligjore konfirmohen regjimet për sigurim, hapësirat e veçanta për personat të cilët tregojnë simptoma të virusit, kritere të të ushqyerit, dërgesë të pakove për nevojat e personave të cilëve u është përcaktuar masa e izolimit të rreptë (karantinë), masat për dezinfektim, puna e personelit ose vullnetarëve, grumbullim të mbeturinave dhe punëve tjera të nevojshme teknike.

Transporti i personave të cilëve u është përcaktuar izolimi i rreptë (karantinë) nga vendkalimet kufitare deri tek objektet do të zhvillohet në dy orare: në orën 10:00 dhe në orën 20:00.

Transportin e personave e siguron Sekretarit i përgjithshëm i Qeverisë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm